وفاة أبو طالب ( ع )

حيدر حيدر من صوت أبو طالب سمعناها

حيدر حيدر أربع حروف إب عينه شفناها

* * *

بفراق أبو طالب بجه طه النبي و أصحابه

واضح على عيونه الحزن فارق أعز أحبابه

غابة و يضل فوضى الوضع لو غاب ليث الغابة

و التعبد اللات و هبل فرحانه من غيابه

راية راية رايتنا و ابزودك رفعناها

راية راية هاي لعلي و شخصك تمناها

* * *

ليش الحقايق تنقلب و المسلم يكفرونه

هذا أبو الرد الشمس بس مشرك يسمونه

ما يبتعد عن النبي سيف و يدافع دونه

سيد العرب كل العرب و الواجب يرفعونه

آية آية رتلها حيدرنه و كتبناها

آية آية عشق و احنه لعشقناها

* * *

أنت لان ابنك علي باعوك بيع الذمة

بس الحرق باب النبي عدهم صحابي أتسمة

هالأمة ما تسوه العتب ميت ضمير الأمة

و انت يا والد حيدرة قمة و تظل بالقمة

عالي عالي فوق النجم هالكلمة معناها

عالي عالي و الغيرة من عدكم أخذناها

* * *

انت الدرع للمصطفى من الزمن و اخطارة

انت يمن كلك علي لكن بلا فقارة

أشرف نبي يتذكرك من ينظر لكرارة

تبقى البحر من هيبتك و تهابك البحارة

غالي غالي كلمة شرف و احنه الحجيناها

غالي غالي حبك فريضة و ما تركناها

* * *

لعيونك نظل عالعهد مهما يصير اويانه

و اللي يمسك سيدي و الله نقص لسانه

احنه السيوف ألما تذل بالموزمة تلقانه

ما ننسه احنه و نعتقد حيدرنه ما ينسانه

والي والي هالكلمة بالدم اشتريناها

والي والي بعنه النفوس وعينه بعناها

* * *

و الربته هند بحقد غير الحقد ما عنده

أكلت جبد عم النبي و أتغذه من الجبده

صاحبها مشرك للعظم و الناصبية أتمجده

و أتقول ابو سفيان اجه و النبي صافح يده

وينه وينه راوونه جذبه و ما قبلناها

وينه وينه يرويها بن هند و رفضناها

* * *

يالناصبي المثلك يظل اخرس ولا يتكلم

معقولة والد حيدرة أشرك و أبوك الأسلم

انت و أبوك و زمرتك من هالرجل تتعلم

هذا الشرف كل الشرف يالبالشرف ما تفهم

يبقى يبقى أعظم قضية و ما نسيناها

يبقى يبقى و بعالم الذر ايده بسناها

* * *

يالناصبي أحسن إلك تبقى اعله طبع ايزيدك

ايدي أقصها إمن المتن لو مرة لمست إيدك

و اعيون أبو طالب أظل ضدك أبد و ماريدك

خصمك علي يوم الحشر و نشوف منهو يفيدك

باجر باجر ساعة حسابك و انتظرناها

باجر باجر منهو اليعبرك لو عبرناها

» Thumbs up فضائل و احاديث عن الامام علي بن ابي طالب و قصص عن علمه