حسين الحمامي
Admin
المساهمات : 116
تاريخ التسجيل : 21/07/2011
الموقع : المدير العام
 | موضوع: قصيدة انت ثاري مكتوبة  الخميس يوليو 21, 2011 10:29 pm | |
|
1.
أنت ثأري .. و ثأر الله يا إمامي
أنت ثأري .. و ثأر الله يا إمامي
أكول انه عشـكت نهج الإمامة .. تشد من كل كتر نار الملامة
صحت كل واحد ودينه و غرامه .. و أنا سبط النبي ديني و غرامي
و أنا سبط النبي ديني و غرامي
يعشـﮕـون الغوالي على الثوايب .. و يبيعون الهن الحب و المواهب
عليهم محد يلوم و يعاتب .. أريد الما سمع يسمع كلامي
أنت ثأري .. و ثأر الله يا إمامي
أنت ثأري .. و ثأر الله يا إمامي
ليش من أحب ريحانة محمد .. علي من كل كتر أسياف تمتد
بعضهم صاروا يسموني مرتد .. بسبب حبي لأبو اليمة و هيامي
التفسخ عندهم يسموه ثقافه .. و الفاسق يجلــون انحرافه
و شعايرنا يسموها خرافه .. و علينا مسددة سهام المرامي
أنت ثأري .. و ثأر الله يا إمامي
أنت ثأري .. و ثأر الله يا إمامي
إذا عندك شخص مثل أبو الأكبر .. بـَذل من أجلك و من أجلي منحر
دليني أرد أعشـﮓ بيه و أفخر .. و أصيرن عنك و عنه محامي
و حـﮓ ربي الرفع هاي السماوات .. مثل سبط الرسول تشوف هيهات
محبته تصفي كل البشر و الذات .. و صفى بريحانة الهادي اعتصامي
رفعت صوتي و صحت يا علة الكون .. يظل ﮔـلبي إلك يَحسين مرهون
ضميري إنته و المهجة و العيون .. و إنته مبدأي و إنته ختامي
انا عبدك صرت والملك انت..غرامك شرف وباعماقي صنته
بكريات الدم اليجري مزجته..يمن جسمك هوى على الغبره دامي
أنت ثأري .. و ثأر الله يا إمامي
أنت ثأري .. و ثأر الله يا إمامي
تعيش بكل وكت كل لحظه وياي..واذكرك من تصول عليه دنياي
واذا اعطش واهم ارد اشرب الماي..اصيح اشرب اشلون وانت ضامي؟
تعيش وياي وانا عايش وياك..احبك حب زرع للماي واهواك
غريب ومن بعيد الكلب نااداك.. الك ياحسين ابث خالص سلامي
أنت ثأري .. و ثأر الله يا إمامي
أنت ثأري .. و ثأر الله يا إمامي
سليل الهادي مني ومنك يريد..نجدد بيعته بجلمة التوحيد
الكلب ويه الكلب والايد بالايد..احامي عنك وعني تحامي
بطريق الوحده يتحقق املنا..ونوافي الي بذل دمه لاجلنه
نفيس العمر من اجله بذلنه..يظل بيت الوحي عالي وسامي
أنت ثأري .. و ثأر الله يا إمامي
أنت ثأري .. و ثأر الله يا إمامي
| |
|
