حصريا-الكاظم حياتي وروحي بجودة جيدة جدا

قصيدة كنت اسمعها تمثل واقع الظلم المرير على أهل البيت عليهم السلام وتحمل جزء من معاناة الشعب العراقي مع الطاغية من حيث التشبيه بظلم هارون وظلم هدام وكنا نعتر هاي القصيدة بلسم لجروحنا
وخاصة فيها مقطع يتحدث عن الأم كيف كانت تذهب إلى باب الحوائج لكي يطلق سراح ابناها من السجون الصدامية
وفيها مقطع عن ألغربه وحيث أصبحنا غرباء في أوطاننا وحيث هجر العراقيين إلى جميع بقاع العالم
وكان الحاج باسم الكر بلائي وجابر ألكاظمي من المهجرين والمغتربين فصاغوا القصيدة إلى ابعد مايكون من حيث الأداء الحزين وروح القصيدة الرائعة
أحـــــمل مـــــــرارالغـــــــربـه لاچـــــــن فـــــــرگتك صعـــــبه

القصيدة قديمة وغير موجودة لذالك رجعت إلى البيت واستخرجت الأشرطة في الساعة العاشرة ليلا 28-6-2010وقمت بتحويلها من الكاسيت إلى الحاسبة بصورة جيدة قدر ما استطعت وها إنا أضعها بين أيديكم لتنال رضاكم وان ذكرى استشهاد الإمام الكاظم عليه السلام على الأبواب
ارجوا منكم طباعه القصيدة والاستماع لكلامها مع الحاج باسم إنا متأكد أنها ستبكيكم وسوف تعيشون جو أخر في رحاب موسى ابن جعفر عليه السلام أنها قصيدة


الكاظم حياتي وروحي وجروحه مثل جروحي



ولاتنسونا من الدعاء لي و لوالدتي رحمها الله التي ربتني على حب آهل البيت عليهم السلام




الـــكاظم حيــــــاتي وروحـــــي وجـــــروحه مثـــل جــــروحي



أرد اگعــــــداحـســـب آلام واشكــــــيله جــــــورالأيـــــام



الكــــــاظــــــم حــياتي وروحي


* * *

اتـشوف كل مغرم وعاشگ لحظه ميفارگحبيبه
ومـن يغيب المحب عنه ايگول محبوبي اشيجيبه
هـــاي مــــعروفه المــعاني ولا تظن بيهاعجيبه
أحـــچي ابــــصراحه بــلا خجل هايمــــــه الـــــروح بـــه الأمل
والـــــگلب مصـــــيوب ابـــعلل وموســــــى ابـــن جعفرطبيبه
للــــــكاظم أشــــــكي العـــــــلّه وشكـــــــوة العــــاشگ تـــحله
وابحـــــــبه دلالـــــــي هـــــــام واشكــــــيله جــــــورالأيـــــام
الكاظم حياتي وروحي
* * *
گـــــلبي هـــــايم بــالمحبه وأرد أصارح أهل ودّي
انعجنت بهالشـوگ روحـي وبالمحبه عبرت حدّي
ولجل محبوبي الأحبه النـاس كلها اصبحت ضدّي
لجــــــل الأحـــــبه اتــــــــغربت وبـــــــه الأمر مــــــاحــــسبت
مثـــــــله بمــــــصابه اتـصوبت ومثل چـــــــبده انـگطع چبدي
الكــــــاظم ربـــــيع أيــــــامــي وآلامـــــــه مثــــــــل آلامــــــي
فـــــــارگته اكــــــثر مــــن عام واشكـــــــيله جـــــــورالأيـــام
الــــــكاظم حـــــــياتي وروحـي
* * *
عــــايش أيــــــامي زهيــه وگـلبي بالكاظم امولّع
ماافارگ روض حبه وصـــار إلي به الجنه مرتع
ما چنت أدري الزمـــان أيـخون ومن الجنه أطلع
جــــــنة الـــــــكاظم جنــــــــتي وگضــــــيت بيــــــهادنــــــيتي
والمـــــوسى أعـــرض شكوتي وانـــــــتظر يـــــــا يــوم ارجع
يـــــــا يـــــوم اوصــــــل يـــمه وذاك الضــــــريح اشتـــــــــمه
تتـــــــحقق النـــــــه الأحـــــلام واشكـــــــيله جــــــــورالأيــام
الـــــــكاظم حــــــياتي وروحـي
* * *
يم ضريحك چنت ذايب سارح ابشوگي وهيامي
وعالبعد هاليوم تسمع الك اشكيلك آلامي
مثل ون الدوح ونّي والدمع بالجفن دامي
عـــــالبعد اشكـــــي حـــــــالتي يـــــا مـــوسى تــــعرف غايتي
شــــــوفت ضــــــريحك منـيتي وانتــــــظر تــــــرجع أيـــــامي
أحـــــمل مـــــــرارالغـــــــربـه لاچـــــــن فـــــــرگتك صعـــــبه
وجــــــرح الگــــــلب مـــا يلتام واشـــــــــــكيله جـــــورالأيـام
الــــــكاظم حيــــــاتي وروحــي
* * *
مــــا تـــهمني الغربه لاچن فرگتك تصعب عليّه
وردت اعـــرضلك شكايه وتدري يالكاظم اشبيه
وتدري چــم عيله ابجوارك ذايبه ابجمرالرزيه
چــــم طـــفله تدري وچــم طفل حــــــاير وگـــــلبه مـــــــنوجل
وچـــــم شـــــاب بــالسم منچتل ومثـــــــلك اتـــــــحمل أذيـــــه
چـــــــم ام تـــــعنّــــــت يـــــمك تــــــريد الـــــفرج واتـــحشمك
وآنـــه مـــــــثلهن منــــــــــظام واشكــــــــيله جــــــورالأيـــام
الكاظـــــــم حـــــــياتي وروحي
* * *
بـــالسجن گــضّيت عمرك والسجن تدري بمراره
چم موالي اليـــــوم مثــــلك للسجن جابه أخطاره
تدري چم مؤمنه ومؤمــن دنـت ساعةاحتضاره
ننــــــتظر ســــــاعات الفــــرج والنـــــــار تــــــــسعربـالمهج
يالــــــنورك ابــــــورحي ابتهج والگـــــــلب شيــــــــطفّي ناره
للكاظـــــــم أشـــــــكي الــــحاله مــــــن دمــــــــعتي الهـــــماله
وجـــــــفن المـــــــــجرّح مينام واشكــــــيله جــــــورالأيـــــام
الكــــــاظم حيــــــاتي وروحــي
* * *
آه يــــا لــــوعة الكـــــاظم گــلبه متگطع ابسمّه
ومن كثر ثگل السلاسل مـــن رگــــبته يسيل دمه
ومنگضه نحبه غريب وشيعته دفــنته الجسمه
وجـــده الحسين بكربله
دم الكــــرامه مغـــسله
ولا واحــــد اتــــعنه اله
جسـمه ظل إعله الوطيه امچفّن بذاري النوايب
* * *
الشاعر جابرالكاظمي












اضغط على الرابط للتحميل



[ندعوك للتسجيل في المنتدى أو التعريف بنفسك لمعاينة هذا الرابط]
منقول من محمد الساعدي